Garies "Visie Uitreik" (7-15 Mei '05)
Iets om vir altyd te onthou: Soos al die vorige uitreike van hierdie aard, was hierdie een ook iets om vir altyd te onthou. Veertien opgewonde Christene het verseker dat hierdie week in die Kalahari, (7-15 Mei '05) in die boeke van die hemel opgeskryf is as 'n oorwinning vir Christus. Behalwe die gesamentlike tye van gebed en lering, het ons ook uitgereik met die JESUS-Film oor drie aande. Honderde Afrikaanssprekende bruinmense het dit bygewoon, en meer as 20% van hulle het 'n keuse vir Christus gemaak, (ten spyte van koue aande). Philip & Hanna Botha het die daaropvolgende twee weke hierdie Christene opgevolg & opgelei in die fondasie van Christenskap en getuienis, alvorens hulle aan die plaaslike kerk se sorg oorgelaat is.
Die Here het voorsien: Nadat ek 'n paar weke gelede met afwagting gevra het vir donasies ten gunste van 'n nuwe Christen wat nie self kan betaal nie, het daar so baie geld ingestroom, dat ons uiteindelik vir drie persone kon help met fondse. Daar het ook 'n bietjie oorgebly, wat ons nou net so kan oordra na ons Oktober uitreik.
Die getuienisse van die groep spreek vanself:
- "Een van die mees verrykende ervarings ooit! Ek het weer ervaar hoe God sorg en voorsien. Ek het gesien dat dit moontlik is om nog meer tyd met God te maak."
- "Ek lei nog altyd mense na die Here, maar hierdie week het ek die regte manier aangeleer, baie dankie."
- "Die gehalte van CCC se opleiding en die praktiese oordraagbaarheid daarvan was vir my 'n eye opener."
- "Die week was iets besonders vir my aangesien ek Geestelik meer gegroei het as in die afgelope tien jaar."
- "Ons groep was iets besonders, ons was 'n eenheid. Dit was lekker om hulle ook te leer ken."
- "Being my 9th outreach with CCC, JESUS-Film, I once again experienced the transforming power of God. The training is always new, exciting, surprising and leads one into a lifestyle of rich rewarding faith, love, and purposeful living."
- "Dit is 'n eerste vir my ..... 'n skatkis vir gees, siel en liggaam. My kennis van die Woord het uitgebrei, my oë het meer raakgesien, my siel het deernis bygekry. Ek was verstom toe ek sien hoeveel siele hulle tot Jesus Christus bekeer."
- "Pieter se lering oor hoe om uit die Woord te bid het persoonlik baie vir my beteken."
- "Die lering bedags was uit die boonste rakke, Pieter het beslis daarin geslaag."
- "Dit was die beste week in my 51 jaar. Ek het nou die vrymoedigheid om met mense die Woord te deel."
- "Ek weet nie wie almal geld in my belê het om die uitreiking vir my moontlik te maak nie, maar as jy, (Pieter), namens my hulle kan bedank, en mag die Here hulle seën."
- "Pieter is 'n stuurman van formaat. Sy kennis, ervaring en bystand beteken vir my oneindig baie."
- "In hierdie week het ek meer geleer as in 50 jaar by die kerk."
- "Die opleiding onder Pieter Brits se leiding was inspirerend."
- "Ons het die geestelike asemhaling beginsels deeglik behandel en tydens die lering het ek besef dat DIT die eintlike rede is waarom ek op die uitreik gekom het (om te leer hoe om aanhoudend in die Gees te Wandel). Ek het die beginsels voorheen gesien maar dit het eers Rhema vir my geword, toe Pieter dit behandel het."
- "Dankie Pieter vir jou getrouheid en gehoorsaamheid aan die Groot Opdrag!"
Bespreek onmiddellik: Slyp nóú al jou tande vir die Oktober uitreik, en indien enigsens moontlik, bespreek onmiddellik om jou plek te verseker, en sodat ons solank nou al vir jou kan begin bid; dat die Here die pad voor jou sal gelykmaak. Alles tot die uitvoer van die Groot Opdrag!
Sien Kalaharie Visie Uitreik fotos A.
Sien Kalaharie Visie Uitreik fotos B.
Sien Kalaharie Visie Uitreik fotos C.
Back to Vision Trips.
Back to top.
Contact Pieter: pieter at hope365 dot co dot za
or 082 469 6724