Magdaleen leer die studente op ‘n praktiese manier hoe om die Vier Geestelike Wette boekie, as evangelisasiemiddel, te memoriseer.
Gedurende die Desember vakansie het ons nie net kilometers gedraf nie, ons het ook kilometers ver deur die inheemse woude gestap.
Hier staan Pieter voor ‘n reuse Outeniekwa Geelhout boom.
Desember ‘03 op ’n Kersieplaas naby Ceres het ons dit regtig oordoen met takke breekswaar, druplekker kersies om van te kies en te keur.
Hier geniet Magdaleen dit en eet of die kersies van die mark af gaan.
Peet en Kobus op ‘n rots by Stormsrivier, waar ons Desember vir ‘n paar dae gebly het.
Die agtergrond is nie ’n wolk nie, maar ‘n reuse golf wat hoog teen die rotse opslaan.
’n Sekonde later was hulle altwee, asook die fotograaf, druipnat!
Op pad na PE vir ons personeelkonferensie, het die motor al hoe meer geskud en ek kon nie verstaan waarom die pad so sleg is nie. By PE aangekom, sou ons sien dat ons band regdeur altwee die staalbande deurgeskuur het.
Die engele van die Here het ons werklik beskerm!
Enos Phosa & Percy Shabangu, twee van my JESUS-Film werkers wat Januarie ‘04 ons personeelkonferensie by PE bygewoon het.
Percy alleen het in 2003 nie minder nie as 150,000 mense in die Komatiepoort area met die film bereik.
Daleen gedurende die toewydings dinee die laaste aand van die personeelkonferensie by PE.
Sy het regtig ‘n gawe om die dwarsfluit te bespeel. Na slegs twee en ’n halwe jaar se lesse beplan sy om vanjaar graad 7 te voltooi.
Pieter besig met opleiding gedurende die orienteringskursus vir nuwe CCC personeel.
Dit is o.a. ons verantwoordelikheid om vanjaar die 10 maande opleiding van nuwe personeel van Campus Crusade in Gauteng te koördineer.
