Pieter besig om 'n lesing aan te bied in Uitenhage

Agtergrond in die Sending.

As onderwyser en sakeman oor 14 jaar, het die Here my 20 jaar gelede geroep om as voltydse Geestelike Werker en Sendeling betrokke te raak by Campus Crusade for Christ, Suid-Afrika.

• Saam met 5 000 ander sendelinge was ek in 1990 in Manilla betrokke met ‘n groot evangelisasie-uitreik om die 10 miljoen Filipyne aldaar met die Goeie Nuus van Jesus Christus te help bereik.
• Tydens drie geleenthede in 1995 en 1996 kon ek die leiding neem om honderde Russiese Christene volledig te help oplei in die basiese vaardighede van evangelisasie en opvolg van nuwe gelowiges. ("Mission Ural" Uitreik).
• In 1999 het ek die voorreg gehad om die primiêre vertoning van die JESUS-Film in die Frans-Kreoolse taal in Mauritius te doen. Gedurende hierdie geleentheid het ek terselftertyd 100 van die plaaslike mense opgelei oor ‘n tydperk van 3 weke, sodat hulle self die apparaat onder hulle eie mense kan gebruik.

• Sedert 1989, as voltydse werker in die oesland, het ek die geleentheid gehad om met die JESUS-film te eksperimenteer, materiaal te help ontwikkel, toe te pas, en aan ander oor te dra.
• Vanaf 1997 - 1999 aangestel as die ‘Nasionale JESUS-Film Opleidings Koördineerder'. Hier het ek die geleentheid gehad om Christene regoor Suid-Afrika te help toerus in die effektiewe gebruik van die JESUS-film as massa-evangelisasie en opvolg metode. Vanuit hierdie mense het daar baie nuwe JESUS-Film spanne ontwikkel, wat steeds effektief besig is met die wen van siele deur hierdie wonderlike media.
• Vanaf 2000 - 2003 was ek in leierskap by Campus Crusade for Christ betrokke. Aangestel in leierskap oor vyf gebiede, nl: Mpumalanga; Noordelike Provinsie; Noord-Wes; Noord-Kaap en Oos-Kaap. Hier het dit uit-en-uit gegaan om die opeiding, mobilisering en koördinering van voltydse JESUS-Film aktiwiteite in hierdie gebiede.
• Vanaf Januarie 2004 is ek o.a. ook betrokke in:
  
  • opleiding van nuwe personeel by Campus Crusade for Christ,
    
  • betrokke by JESUS-Film opleiding oral oor die land,
    
  • in beheer van die Tshwane ‘Coverage' bediening; waar ons elke persoon in Tshwane nog ‘n verdere geleentheid moet gee om die Blye Boodskap te hoor,
    
  • verder is ek in beheer van 5 JESUS-Film spanne in Mpumalanga, Rustenburg, Pietersburg en die Noord Kaap.
• Gedurende begin 2005 het ek die koördineerder geword van die "Expansion Ministry" van Campus Crusade for Christ, SA.
  Expansion beteken:
  • Kerk Mobilisering
  • JESUS-Film Bediening
• Sedert 2006 het ek begin experimenteer met o.a die Internet as bedieningsveld.
  Wanneer mens besef dat een uit elke ses mense in SA toegang tot die Internet het, dan kan jy nie anders nie, as om hierdie veld wat so lank deur die vyand misbruik is, tot eer van die Here te wil begin ontwikkel.
  Na MinistryNet2007 konferensie, Bangkok, (Mei 2007) het beide ek en Magdaleen ons huidige bedienings ge-evalueer en gevra of ons nog met ons aanvanklike roepings besig was. Deur bevestigings uit verskeie gebiede het ons geweet dat die tyd aangebreek het vir 'n NUWE seisoen. Gedurende Augustus bedank as voltydse personeel by CCC om sodoende There is Hope Ministries te registreer.
  Lees gerus meer oor ons internet bediening by: www.Hope365.co.za
  

  Visit out new/evangelism website: Hope 365

  Pieter Brits

  ---

  Back to top.
  Contact Pieter: pieter at hope365 dot co dot za or 082 469 6724